«Милостью Великого Спаса и честного Его Преображения, возря в грамоту отца своего князя Феодора Федоровича, се яз, князь Костянтин Федорович, пожаловал есмь анхимандрита святого Спаса Ефимьева монастыря Исакия с братьею, или по нем иный архимандрит будет, дал есмь им варницю варити соль в своей вотчине Усолци; и кому архимандрит прикажет у тое варницы варити своим людем, и тем людем архимандричим ненадобе моя дань, ни ям, ни иные никакие пошлины, ни пометы, ни которые пошлины; такоже и волостели мои архимандричих людей не судят ни в чем, а ведает и судит архимандрит свои люди сам, или кому прикажет. А случится суд смесной архимандричим людям с моими людми волостьными, и волостель мой судит, а приказник архимандрич с ним судит. А буде мой прав или виноват, ин моему волостелю и в правде и в вине, а архимандрич человек архимандричю приказнику и в правде и в вине. А чего наши судьи наузнают, инося им позвати на третий на князя на Константина на Феодоровича. А кому будет каково дело до приказника до архимандрича, ино сужю его яз сам князь Константин Федорович. А тое варницы архимандриту ни продати, ни дати никому».
|